广州吃货攻略联盟

回味最广州味!坚挺传统西关美食攻略!

最广州2022-08-01 16:11:33


最广州原创栏目

而家一到饭点问起吃咩,大家基本上冧都唔使冧就一句:“韩料咯年糕火锅部队火锅正啊~!”“一唔系日料啦,刺身好味啊!”但到最后大家可能都仲系拣咗麻辣火锅嘅!喈唔系话佢地有咩唔好~~但吃得多真系好闷。生活喺广州呢个美食城市,唔知大家有几耐无吃过接地气嘅老广味道呢?唔记得唔紧要!今日小编提供个单比你,过年放假逐格吃!

——写在前头的9 up

1

源记肠粉


藏身系华贵路边嘅源记肠粉集合咗一个区域内老中青所有嘅爱!开放到不得了嘅店面全方位接受路边嘅尾气,但依然多人到几乎要企系度吃

师傅一双摩打手将d肠粉系个蒸柜度插嚟插去~~~!无影手片完份肠粉之后就会大嗌一声“大牛边个嘅!”呢个时候就有一堆街坊哄抢碟肠粉,场面几乎失控

生滚猪润(猪肝)粥好吃到飞天!一般情况下猪润都会有血腥味,处理得唔好仲会隐隐发臭,但源记个猪润粥爽口到好似吃脆皮!肉香又唔腥,全广州只此一家!


 2 

陈添记

作为一个忠实粉丝吃陈添记嘅基本素养喺:够!耐!心!因为无论堂吃定外卖都一样好多人。

经受过之前陈添记结业惊魂过后,广州街坊终于可以放心吃一碟全广州最好吃嘅鱼皮!花生,香葱芝麻油,爽脆到窜天嘅鱼皮捞埋一碟,几多人排半个钟都愿!


一只简陋烂铁兜装住最正宗嘅西关艇仔粥!炸面要脆!花生要香口!浮皮要爽口冇油益味!鱼片要新鲜!咁样先至系一碗爽滑香甜正宗嘅艇仔粥。


 3 

吴财记面家

完全冇换过嘅90年代风格餐牌,几十年如如一日卖果几样野,但依然好味道~

毫无装修嘅西关大屋、麻石街、、趟栊门、天井,处处老广情怀!

太街嘅面食就唔多作介绍,吴财记嘅招牌炸云吞先系重头戏!9蚊10只平价到尘埃,配合酸甜酱,入口一啖肉酸酸甜甜,正!


 4 

开记甜品


隐藏于上下九之中,几多人多年冇去过上下九。每次经过都忍唔住如何对翻碗糖水!

冬天又冻又干燥最紧要嚟一碗暖笠笠嘅芝麻糊,石磨芝麻糊幼滑无颗粒感,芝麻香过隔离街!

一碗木瓜炖雪耳,木瓜多到好似成只队落去咁!真材实料绝不欺客,价格公道够街坊!


 5 

坚记面店

坚记面店主打伊面系列,饭点一到依然人头汹涌!风扇老到摇摇欲坠,店家几十年卖嘅依然系街坊味道!


爽滑的手工伊面,丝丝分明齿颊留香的牛腩,焖到起胶嘅牛筋,最后是淋上自家制的黄豆酱,牛腩与黄豆酱完美融合令人一试难忘!



 6 

伍湛记

伍湛记斋讲可能冇咩特色,但其实佢暗藏一样好多广州人都迷恋半世嘅特色小食——德昌咸煎饼!南乳香嘅咸脆表面咬落好实在,里面系微甜嘅面包好怀念!

伍湛记嘅状元及第粥招牌得嚟超足料,一个女仔叫个粥叫碟肠粉完全吃唔晒。


 7 

屎坑粉


一间完全冇招牌嘅铺头,餐牌亦都系冇嘅!简陋咁用粉笔写系个铁门度,睇唔睇到完全靠自己。只卖牛丸牛腩粉,先付后吃,全日都要排队从未停止过!


有人话屎坑粉其实有铺名,叫日月年。其实只系比钱之后张票根写嘅三个字。简单粗暴好中意!

有幸比你排到都未必有位置吃,好多人求其揾张胶凳直接踎系街边吃,冇格调零仪态,但志在够好味够街坊!



好了,

而家朋友圈打晒码,

睇图比钱嘅世界湿姐实在捞唔掂,

献上珍藏高清无码免费美食图鉴,

人间有爱穷逼不哭。

湿姐好冷,先行撸个屎坑粉再说。

拜拜~~~



是日小编

我是湿姐



【关于我们】

【最广州】 是广州地区最大的微信平台,粉丝超过30万、随时随地分享身边资讯,为您搜罗广州最新的热点、时尚、美食、优惠。


【联系我们】

投稿请联系主编

微信:502703573,期待与您的合作


Copyright © 广州吃货攻略联盟@2017